“鋅”Zinc ，音「星」，是一個保護船隻水下機件的重要金屬。
唔講可能唔知，盡管我地唔察覺，其實「電」係自然環境中係無處不在，因此作為導電體既「水」（特別係咸水），亦會帶有微量電流，呢種係水中的微量電流如沒有經有效的處理，長期黎講會“腐蝕”安裝係船上嘅金屬（特別係浸係水度既螺旋槳propeller)、波箱（outdrive或sterndrive）、同壓水版（trim tab)等），令其逐漸損壞，失去原有功能。所以，就需要採取一些手段去盡量確保呢D船隻既重要部份避免被微電流長期腐蝕。
據網上資料 ，海水同船上嘅金屬接觸，容易產生電解化學反應，因此，前人就研究出就利用“鋅”呢種較活躍、犧牲性嘅金屬，轉移微電流對船上金屬的影響，盡量避免船上金屬受到微電流攻擊。海水就似電解質溶液，當中“鋅”為陽極（即“+”），而船中嘅金属則為陰（即“-”），在安裝有“鋅”的環境下，微電流首先會腐蝕較活躍嘅“鋅”，當“鋅”被腐蝕完後，微電流方會開始腐蝕其它金屬。正因如此，定期檢查同更換“鋅”有實在嘅必要同作用，一旦發現“鋅”被嚴重腐蝕，必須盡快更換。
係中、小型遊艇中，“鋅”主要安裝係船既“波箱”同“車葉”浸係水度既金屬上面。而一D大型嘅遊艇，係船嘅引擎（engine）裡面，更亦都會安裝有“鋅”去保護引擊內部。最近，有網友同我地分享話其實“鋅”除左可固定安裝係“波箱”或螺旋槳外，亦可以使用移動式嘅“鋅”去轉移微電流對船嘅衝擊。
移動式“鋅”嘅使用方法係將 “鋅”塊綁上電線，放喺水下機件或金屬附近，另一端則必須連接住船上嘅金屬。但使用呢個方法 ，切記每次出航前都將佢“鋅”收回，避免佢對船體造成損傷。
買“鋅”時，點樣揀？咁最好梗係要揀有牌子㗎啦，或者係來源可靠㗎啦！如果買翻黎啲“鋅”冇辦法被腐蝕，咁就冇辦法對船上金屬或機件起到保護作用，因此安裝鋅塊後，要定期觀察下佢有冇起變化，如果有就very good，若然冇時就真係要探究下係乜原因！而定期檢查時，如發現安裝嘅“鋅”被腐蝕了約一半，便應買定件準備更換。
順帶一提，除左上面講嘅“鋅”（Zinc anodes）外，仲可以使用“鋁”（Aluminum anodes）或“鎂”（Magnesium anodes）。“鋅”一般用於咸水，“鋁”則可用於咸或淡水，但“鎂”只能用於淡水。
