·
係決定買船之前，要三思，要四思，要五思，要《多》思。搵多D人傾下問下，諗清理諗楚係唔係真係咁有熱誠先至好作出買船既決定。同埋係澳門，船隻買賣呢樣野行頭好窄，買船容易賣船難，所以，又要諗埋。
真係決定買船時，要諗究竟買乜船，同埋有乜同途，泊邊度l
鍾意釣魚嘅，當然係買釣魚船喇，但釣魚船都有好多種，有《來路船》、《日本船》、《香港船》同《國產船》，每種船型都有少少分別，價錢亦差異甚大；如鍾意滑水，咁梗係買隻滑水船啦，滑水船一般都唔會太大，20尺至24尺左右，全新船價由拾幾萬《國產船》至上百萬《專業來路滑水船》都有，視乎個人“筆直”同要求；如果好似我咁冇乜要求，只係想要買隻船遊下遊下，咁就買隻普通有小倉既來路遊艇仔玩下囉（我笫一隻船係香港買翻黎，20尺，9萬5千）。
並唔係講滑水船唔可以釣魚用，或者釣魚船唔可以滑水用，但畢竟船既設計有異，滑水船由於係平靜水域操作因此一般船身較《扁》，遇風浪時可能會入水同濕身（釣魚通常都係有d風浪架喇），至於釣魚船如有綁滑水繩索既架時，都可以用黎作滑水船，但所做出黎既船浪就冇專業滑水船既靚，所以，要自我取捨。
個人認為，如果新手入行玩船，最好買隻二手船玩住先，同埋唔好買太大（25尺左右夠喇），操熟個技術、了解玩船係乜野後，覺得有信心可handle到更大既船，同埋真係鍾意先至換過隻或買新船都未遲喇！
最後，如果唔介意「慢」，買隻20幾尺既《多》手帆船仔，都係幾萬銀，咁樣就可以平平地還做船長嘅心願。
